garrantzitsua

Ekainaren 25ean, asteartea, 18:00etan lehen deialdian eta 18:30ean bigarrenean, P.M. Urruzuno Kooperatibaren urteko Ohiko Batzar Nagusia ospatuko da (Moru bilera gelan). 

LH2ko ikasleek, Anateuskeko Eneko Kortaberriaren eskutik teoria ikastaroa izan dute. Haur eta txakurren arteko harremana eta zaintzaz ikasteko aukera izan dute. Datorren urtean praktika saioa egiteko desiatzen daude! 

Oin Alairen 9. urteurrena ospatzeko, Oin Alai BEREZIA izan dugu. Kalegoen Plazatik Ikastolara Atxutxiamaikakoen eta musikaren laguntzaz etorri gara. Gaur banatuko dira hurrengo ikasturterako izen-emate orriak. Animatu parte hartzera!!!

DBH 1. mailakoek ikasturte honetan Osakidetzak antolatutako "Kerik gabeko gazteak" programan parte hartu dute. Horretarako tutoretzan tabakoaren kontsumoaren prebentzioko gai desberdinak landu dituzte. 

Ikastolaren izenean eskerrak eman nahi dizkiegu joan den larunbatean, ekainaren 1ean, ospatu zen Ikastola Eguna antolatzen lagundu zuten guztiei: babesleei, gurasoei, ikasleei eta baita irakasleei ere. Argazkiak ikusgai.

DBH 3. mailako ikaslea den Julen Zubizarretak, Tolosako Usabal kiroldegian ospatu den eskolarteko boulder txapelketan, kadeteen kategorian hirugarren postua lortu du. ZORIONAK!

LH2koek, “birziklapena” gaiarekin lotuta, konposta nola egiten den ikasi dute. Ikastolan, konposta egiteko gunea dugu eta lortutako ongarria, zuhaitz eta lorategietan botatzeko erabiltzen da. 

DBH3ko ikasleak jubilatuen etxera joan dira, jubilatuek mugikorrekin dituzten zalantzak argitzen laguntzeko. Ikasleak bikoteka jubilatu banarekin egon dira, eta beste ikasle batzuek kazetari lanak egin dituzte.

Ekainaren 1ean, larunbata, Ikastolaren Eguna ospatuko dugu. Antolatzaileek izugarrizko egitaraua prestatu dute: Kalegoen plazatik kalejira, jolasak, tailerrak, tonbola, bazkaria, sari banaketak, dantza lehiaketa... 

Teknologia arloan trasmisioak landu dituztenez, DBH2ko ikasleak Elgoibarko Makina Erremintaren Museoan egon dira bisitan, trasmisio mota desberdinak bertatik bertara ikusteko eta industrian hauen garrantzia zein handia den ikusteko.

Orriak

RSS - garrantzitsua-era harpidetu