Ikastolako Berriak

2023-2024 urtean jaiotako haurren matrikulazio aldia zabalik apirilaren 22tik maiatzaren 10era. Ate irekiak maiatzaren 2an, 17:30ean.

DBHn hizkuntzak emateko irakaslea behar da ordezkapen bat egiteko. Bigarren hezkuntzako masterra ezinbestekoa da. Ingelesean C1 maila eskatzen da.

Maiatzaren 12an ospatuko da Herri Urrats, Senperen, eta bertara joateko autobusa antolatu dugu elkarlanean Elgoibar Ikastolak eta Elgoibarko Izarra Euskaltzaleon Topaguneak. Izena emateko: Elgoibar Ikastolan, Elgoibarko Izarran edo on-line, maiatzaren 7a baino lehen. https://labur.eus/HerriUrratseraElgoibartik

Guztira, 20 ikastetxek parte hartzen dugu Debabarrenean Eskolako Agenda 2030 programan. Programaren baitan, hezkuntza komunitate osoari zuzendutako ekintzak antolatzen dira, ikasle, irakasle eta familiei zuzenduak. Aurten Energia eskuragarria eta ez-kutsagarria gaia landu dugu. Artikulu honek Eskolako Agenda 30 Debabarrenean zertan den azaltzea du helburu.

Paula Etxeberria, Malen Meabebasterretxea eta Alex Roldan ikasle ohiak etorri zaizkigu gaurkoan ikastolara institutuko euskara batzordearen izenean. DBHko 4. mailako ikasleek hurrengo ikasturteari begira har dezaketen aukera edozein dela ere, hauei zuzenduriko saio motibazionala izan da, eta euskararekiko atxikimendua mantentzeko helburuz etorri dira gure ikasleen artean mezu hori zabalduz.

Morkaiko mendizale elkarteak, Ikastolako eta Herri Eskolako gurasoekin batera antolatzen dituen mendi irteeren baitan, irteera berria proposatzen digu apirilak 28rako: Erlora izango da.

Lehen Hezkuntzako bigarren mailako ikasleek astean zehar Oriora egindako txangoaz gozatu ahal izan dute. Horra bertatik iritsi zaizkigun irudi batzuk.

Baratzeko lehenengo uzta jasotzeko garaia da, eta LH3-4ko ikasleek zerba jasotzeko aukera izan dute eta LH5-6koek, aldiz, ziazerba. Oraingoz, zerba landarea bertan uztea erabaki da gehiago emango duelako. Ziazerba, aldiz, guztiz jaso dugu astean zehar, hurrengo, uraza landatzeko. Emago dugu landaketa horren berri ere. Aste honetan jangelan gelditzen direnek batutakoa probatzeko aukera izango dute.