Maiatzaren 22an Elgoibarko Udaletxean, Agenda 21eko Udal Batzarra ospatu zen. Udaleko ordezkariek ikasleen proposamenak entzun eta jaso zituzten. Informazio gehiago Agenda 21eko blog-ean. 

2016-2017 ikasturtetik aurrera, GKOB_Baliabideak taldekoek abian jarri zuten, ikastolarekin elkarlanean, LH 1., 2. eta 3. mailetan hainbat testu-liburuen mailegu sistema. Gogoratu ikasturte honetan ere aukera egongo dela! 

Familien, ikasleen eta langileen ekarpenak jaso ondoren, 3 proposamen aurkezten dizkizuegu zuen iritzia jakin eta 2018-2019ko eskola egutegia osatu ahal izateko.

Ekainaren 2an, larunbatean, “Ikastolaren Eguna” ospatuko dugu 2017/2018 ikasturteari jai giroan bukaera emateko. Maiatzaren 23a arte (asteazkena) izango duzue menuak eta ogitartekoak erosteko aukera bulegoan. ANIMATU!

LH 1-2 eta 3.mailako ikasleak Yoga lantzen ari dira Gorputz Hezkuntzako saioetan. Arnasketa egokia erabiliz eta teknika txiki batzuen bidez, ikasleak lasaitzea, emozioak erregulatzea eta guztien kontzentrazioa eta arreta handitzea da helburua.

Maiatzaren 10ean Euskal Confint 2018 ospatu zen Busturian eta bertan izan ziren ikastolako IRAES taldeko 4 ordezkari:Eider Caro, Naroa Alonso, Nahia Carrillo eta Joane Kapanaga. Klima aldaketaren gaia landu eta lagun berriak egiteko aukera izan zuten.

HH 0-1eko matrikulazio aldia zabalik maitzaren 14tik 25era (HH0, 2018an jaiotakoak irailean eta urrian hasteko eta HH1, 2017an jaiotakoak irailean hasteko). Ordutegi zabala. Jai-zubietan eta oporretan irekita!

"Osasun larrialdiak seme-alabekin. Nola jokatu?" izeneko ikastaroa eskainiko da maiatzaren 9an 18:00etatik 20:00etara Kultur Etxeko Hitzaldi gelan (bigarren solairuan). Ikastaroak teoria eta praktika uztartuko ditu. 

Elgoibar Ikastolak "STEM Discovery Week" egitasmoan parte hartu du, zientzien, teknologien, injeneritzen eta matematiken eremua bultzatu nahian. Europako beste hainbat ikastetxek bezala hainbat ekintza eta jardun argitaratu ditugu.

Kaleratu da Guraso Kontseiluaren 23. albiste buletina: Eman aurpegixa euskararen alde, pilota eguneko urdaiazpikoen zozketa, Jose Gurrutxaga krosa iruditan, euskaraldia, formakuntza, mendi-irteera...

Apirilaren 25, 26 eta 27an LH 4.mailako ikasleek (gela bat egun bakoitzean), Auzo Lagunek antolatzen duen TxefArtean! sukaldaritza tailerrean hartuko dute parte: pasta freskoa prestatuko dute, Arabatik datozen Garaion Naturartea-ko kideek gidatuta (www.garaion.eus).

Ikastolaren eta batez ere parte hartu duten korrikalari guztien izenean, eskerrak eman nahi dizkiegu joan den igandean, apirilaren 22an, ospatutako XXV. Jose Gurrutxaga Krosa antolatzen lagundu duzuen guztioi. Bestalde eskerrik beroenak ere, parte-hartzaile guztiei. Argazkiak ikusgai.

Orriak