LH1.mailako ikasleek txalaparta instrumentua ezagutu dute. Ezagutzeaz gain musika tresna hau jotzeko aukera ere izan dute eta oso gustura aritu dira! 

Martxoaren 28rako gurasoei zuzendutako "Nola sustatu familiatik, berdinkideen arteko harremanetan errespetua" hitzaldia eskainiko da arratsaldeko 18:00etan (elebietan) Kultur Etxeko Hitzaldi gelan. Hizlaria Idoia Apaolaza izango da.

Aurten ere Aubixako egonaldirako lau txanda antolatuko dira. Izen-ematea martxoaren 22an bukatuko da. Aubixako egonaldiarekin haur bakoitzaren autonomian aurrera egitea eta euskararen ahozkotasuna indartzea lortu nahi da. 

Martxoak 10erako Morkaikotik, Herri Eskola eta Ikastolako guraso elkarteekin elkarlanean antolatutako mendi irteera proposatu nahi dizuegu: Mutriku-Ondarru. Oraingoan ere kostaldean ibiliko gara. Animatu!

DBH4ko ikasleak ikastolan egindako ibilbideari amaiera emateko ikasbidaia antolatzen dabiltza. Bidaiaren kostuari aurre egiteko asmoz kooperatiba bat sortu dute. Helburua Ekonomian eta Ekintzailetzan ikasitakoa praktikan jartzea da. 

Martxoaren 9an, XXII. Pilota Eguna ospatuko dugu. Goizeko 10:30ean hasiko da. Eguraldi ona izanez gero Kalegoen Plazako frontoian ospatuko da. Aldiz, eguraldi txarra egingo balu, Ikastolako Frontoian izango da.

Otsailaren 17rako Morkaikotik, Herri Eskolako eta Ikastolako guraso elkarteekin elkarlanean antolatutako mendi irteera proposatzen dizuegu: Arno.

Ongi etorri eta eskerrik asko gurean izena eman duzuen guztioi! Elkarrekin hezkuntza eraldatzen.

Martxoaren 1ean, barixakua, Euskal Inauteriak ospatuko ditugu. 15:15etik 16:30era kalejira eta dantza saioa plazan egingo ditugu (eguraldi txarra eginez gero, Ikastolan egingo da). 

Otsailaren 8an, 18:30ean Kultur Etxeko sotoan izango da 2019ko lehenengo formakuntza saioa. Parte hartu nahi dutenek aldez aurretik eman beharko dute izena ikastolan inskripzio orria entregatuz edota formalarioa betez. 

Eguraldi iragarpena ikusita, Santa Ageda ikastolan ospatzea erabaki da. Ikasleak arropa iluna, loradun zapia eta makila ekarri behar dute. Ekitaldia 16:15ean hasiko da (erdiko aretoan).

Matrikulazio epea zabalik urtarrilaren 28tik otsailaren 8ra bitartean. Elkarrekin hezkuntza eraldatzen! Zatoz ikastola ezagutzera!

Orriak