Ikastola aldizkariaren 239. zenbakia digitalean argitaratu da soilik, bizi dugun egoera dela medio. Klik eginda barruan daukazue irakurtzeko moduan.

COVID-19ren eraginez bizitzea tokatu zaigun egoera berezi honen aurrean, Elgoibar Ikastolak 2019-20 Ikasturte amaierako plana diseinatu du. Behean klikatuta ikusteko moduan izango duzue.

AURKEZPENA

2019-20 urteetan jaiotako haurrentzat matrikulazio epea zabalik Ikastolan maiatzaren 18tik aurrera. Izen-ematea on line izango da horretarako prestatu den galdetegiaren bitartez. Elgoibar Ikastolan elkarrekin hezkuntza eraldatzen!                                                         AURKEZPENA

 

Deseskalazio prozesu batean murgildu bagara ere, Aubixako egonaldian haur eta arduradunen segurtasun maila bermatzeko ziurtasunik ez dugunez, eta familiengandik jasotako erantzunarekin bat eginez, aurtengo Aubixako ekimena bertan behera geratzen dela jakinarazten dizuegu.

Larunbatean, maiatzaren 2an, Jazarpenaren Aurkako Nazioarteko eguna izan zen. Salbuespenezko egun hauetan elkar zaintzeko premia inoiz baino modu esanguratsuagoan azaldu da, besteen egoera emozionala gure ardura ere badela eta besteak hobeto sentitzeko beti zerbait egin dezakegularen ideiak indar berezia lortuz.   Animo, elkar zaindu eta laster arte. 

Hona hemen III. Idazlan lehiaketan sarituak izan diren Ikastolako idazle gazteak. Zorionak!! Bide batez, eskerrak eman parte hartu duten guztiei. Sari-banaketaren noiz eta nolakoak erabaki gabe daude oraindik, osasun krisi egoera dela eta. Jakin bezain pronto emango dizuegu aditzera.

 

Euskaraldiak martxan jarri du Etxealditik Euskaraldira ekimena apirilaren 20tik aurrera. Egunerokoan etxean sortzen diren egoeretan euskararen erabilera sustatzeko zazpi ideia-proposamenek osatuko dute ekimena.

https://euskaraldia.eus/etxealdia/

Une latz hauetan, Elgoibar Ikastola osatzen dugun guztiok gure doluminik sentikorrena adierazten dugu, Oierren familiaren eta Oier ezagutu genuen guztion atsekabearekin bat eginez.

Eskerrik asko, Oier

Egun Elgoibar Ikastola osatzen dugunok atsekabe handiz jakin dugu Agustin Gorostizaren heriotza, hainbeste urtetan bertako zuzendari ekonomikoa izana, eta buru-belarri aritu izan zena hasierako amets hura egun den errealitate bihurtzeko. Esan beharrik ez dago, familiaren eta hurbilekoen nahigabean lagun gaituzuela.

Agur bero bat.

Apirilaren 3tik 20ra bitartean atseden sasoia izango dugu. Tarte honetan bulegoko zerbitzua itxita izango da.

Autismoaren nazioarteko eguna izango da ostegunean, eta, aurten, COVID-19aren eraginez konfinamendu egoeran gaudela eta, modu berezian ospatu beharko dugu. Aurtengo leloa honako hau da: "IKASTEKO GAI, LAN EGITEKO GAI"

https://youtu.be/gXHfM1UEyQE

Orriak