Euskararen eta Euskal Kulturaren bost plaza handi dira ikastolen jaiak. Euskal musikari, kantari, dantzari eta ikuskizunetako hamaika artistaren adierazpenaren erakusleiho erraldoiak. Aurten ezin izan dira egin, baina ikastolek ez dute hutsik utzi nahi izan aurtengo urtea. Horregatik, plaza horietako lagin bat prestatu dute azaroaren 13ko ekitaldian erakusteko.

https://www.kursaal.eus/eu/agenda/ikastolak-herriari/ 

Aurten ere Aubixako egonaldirako lau txanda antolatuko dira. Izen-ematea martxoaren 22an bukatuko da. Aubixako egonaldiarekin haur bakoitzaren autonomian aurrera egitea eta euskararen ahozkotasuna indartzea lortu nahi da. 

Egoera bereziak kanpo espazioen erabilera areagotzea ekarri du eta zenbait saio barruko espazioetatik kanpora eramaten ari gara. Irudian, LH 3. mailakoak Elgoibarko auzo desberdinetara egindako irteera. 

Dislexiaren Europar Eguna ospatzen da gaur. Egun honek Munduko Hezkuntza Premia Berezi ohikoenean gizartea sentikortzea du helburu. Dislexia irakurketa-idazketari eragiten dion ikasteko zailtasuna da eta munduko biztanleriaren %10 ingururi eragiten dio.

EuroClio izeneko erakundearekin kolaborazioan, In Europe izeneko programan parte hartu du Elgoibar Ikastolak (DBH4). Helburua historia eta hiritartasuna uztartzen duten bideoak egitea da eta bi eskolen artean elkartrukatu eta harremanak egitea. Europako beste errealitate batzuk ezagutuz, espiritu kritikoa sortzea. 

 

COVID-19ren eraginez bizitzea tokatu zaigun egoera berezi honen aurrean, Elgoibar Ikastolak 2019-20 Ikasturte amaierako plana diseinatu du. Behean klikatuta ikusteko moduan izango duzue.

AURKEZPENA

Bueltan gara berriz ere! 1021 ikasle, 646 familia eta 83 profesionalek osatutako komunitatea dugu Elgoibar Ikastola. Egoera bereziak erronka handia jarri digu eskuartean, baina guztiok bat eginda egoerari aurre egiteko prest gaudela erakutsi dugu lehen aste honetan.

Eskerrik asko itzulera errazten lagundu diguzuen profesional, ikasle eta guraso guztiei!!

 

Elgoibarko Udalak, Udal Euskaltegiaren eta AEKrekin elkarlanean, gurasoentzako euskara ikastaroak eskaintzen ditu: euskara ikasten hasteko, hobeto edo errazago berba egiteko, edota hobeto idazten eta irakurtzen ikasteko. Izena emateko epea irailaren 25era arte izango da.

STEAM I. Euskadi Sarien lehengo fasea gainditurik, Elgoibar Ikastolako "Elektrizitatea poltsikoan" ekimenari esker Elgoibar Ikastolak STEAM Euskadi zigilua jaso du.

 

Orriak